Gañeta Txakolina upategiak, Barcelona Wine Week azokaren bigarren edizioan hartuko du parte, apirilaren 4tik 6ra, Bartzelonako Montjuïc aretoan ospatuko den ardoaren nazioarteko azoka honetan. Elkarretaratze garrantzitsua bertako ardogintzarako, izan ere, Getariako Txakolina ekoizteko erabiltzen diren Ondarribi Zuri eta Ondarribi beltza bezalako barietateen berreskuratze joera azpimarratuko da aurten.

Horrez gain, azoka honek bi gai jartzen ditu mahai gainean,Gañeta Txakolinaren etapa berri honetan oso garrantzitsuak direnak: digitalizazioa eta enoturismoa. Produktua kontsumitzaileen eskuetara gerturatzen duten etorkizuneko joerak eta ardoaren munduak eskeintzen dituen osagarri kultural, sozial eta esperientziei ematen die ospea, baita ingurumena babesten egiten duen lanari ere.

Azoka honetan, gure upategian ekoizten ditugun 3 txakolin barietate aurkeztuko ditugu: Gañeta Txakolina, Gañeta Rosé eta Gañeta Berezia